und 1 und 2 und

by Monaco F

/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

      €9 EUR  or more

     

1.
04:02
2.
3.
4.
5.
6.
7.
03:39
8.
03:25
9.
10.
03:36

credits

released April 29, 2016

Mixed by Monaco F
Musik und Text: Monaco F
Außer "Bierallergie" Musik und Text: Monaco F, Fredl Fesl
Außer "s'is etz" Text: Monaco F, Grämsn
Außer "Party People (Remix) Text: Monaco F, Lef Dutti, Roger Rekless, Grämsn, George Urquell, BBou, Weeh78
Kontrabass "Feieromd": Stephan Kondert
Scratches: DJ Spliff, DJ Radrum
Mastering: Mitch "electricdaddy" Juchelka (www.electriclane.de)

tags

license

all rights reserved

about

Monaco F München, Germany

contact / help

Contact Monaco F

Streaming and
Download help

Track Name: Bierallergie
zefix i glaub i hob a bierallergie
wann ma vui sauft fallerie
scho noch drei schluck schwillt ma s'gsicht immer o
fallera, des is war

i ghea oft moi zu de letztn, des sand bei uns de besten
weil es is wia magisch wia magnetisch do am tresn
oa hoibe, zwoa hoibe, drei, hoibe viere
de meisten sand scho hoam i bstai no a rundn biere
burle, an sure odringa dure
moch mid gäh humpta humpta tätarä
noagal ausdrunga und dann on to the next
während i no an da bar stäh haben andere schon sex
wenn oana am feiern is, is meistens da franze
im oam a kastal bier und a landpommeranze
de a ned hoam geh mog und egal wos du zum doa hättst
i sog übermoang is a no a dog
schiafe absätz und in jedem strumpf a loch
oba oa gloans bierchen gäd immer no
weil i bleib mit meine freind do bis sanktnimmerlein
falleri, der schwankt immer heim, fallera
wurscht wos de leid song i mog bleim, falleri
bis zum end i gäh erst hoam wenn mi s'putzliacht blend

mia gemma gemma gemma ned hoam
mia gemma gemma gemma ned hoam
weil übermoang is a no a dog
weil übermoang is a no a dog

wann ma vui sauft, falleri

es is schee, i steh nimma unter jugendschutz
i foi ned ins koma i dring nur oan übern durscht oba
wenn ma des moi nüchtern betrachtet
bin i ned fit am nächsten middog und a aaf d'nacht ned
um achte und a ned um neine
und a ned dua i mir do fett elektrolyte eine
wer dad do jammern, wer dad do blean
so jung kemma nimma zamm, so oid deaf ma niamois wern
schiafe absätz und in jedem strumpf a loch
zefix, wer hod bloß in mei letzts bier an rausch einedo
wurscht i bleib trotzdem bis sanktnimmerlein
falleri, des soi mi ned grein, fallera
i wai ned gscheider wern i mog bleim, falleri
bis zum end i gäh erst hoam, wenn mi s'putzliacht blend

mia gemma gemma gemma ned hoam
mia gemma gemma gemma ned hoam
weil übermoang is a no a dog
weil übermoang is a no a dog

zefix i glaub i hob a bierallergie
wann ma vui sauft, falleri
scho noch drei schluck, schwillt mir s'gsicht immer o
fallera, des is war
zefix i glaub i hob a bierallergie
falleri, wos sogst jetzt do
oba desweng geh i doch no lang ned hoam
wos moants denn ihr
Track Name: eiskoida Oida
oida, oida, oida
des is hoid a koida koida koida

oda ned oida
oda ned oida
bist du bled oida
oda ned oida

mir war grod a bisse fad heid
bisse fad heid
bisse hängen aaf da couch hied
bisse fad heid
oba irgendoana mog wos
irgendoana mog immer wos vo mir
ruaft mi o, ruaft mi o
ruaft mi o, ruaft mi o
des is a koida oida
weil i mog heid hängen oida
is a koida

oda ned oida
oda ned oida
bist du bled oida
oder ned oida

bist du bled oida
ruaft mi der o oida
des is a eiskoida oida
Track Name: der von Doppel D
du bist doch der vo doppel d
ja, ja, ja der bin i
da monaco, da fränzn, da kini
du driffst mi beim bäcker in da fria um simme
und denkst da spinn i oder bin i scho im himme

der vo doppel d
der, der immer über heimat red
do muas i song na, na du so stimmt des ned
i hob niemals über heimat gred
sondern immer über identität

der vo doppel d
i hob di im radio gheat
voi der fette track richtig gscheert
den mitm gerhard polt in da mitt
na des sand da liquid und da bbou i bin

der vo doppel d
i spendier dir a bier
i bin einfach so a riesen fan von dir
dei musi is genau des wos mir gfoit oba he
wia hoast du nomoi

der vo doppel d is ned mei nam
is ned mei nam
des is ned mei nam
monaco f is mei nam, des is mei nam

du bist doch der vo doppel d
es is scho cool wos du mochst oba wen interessiert des
vielleicht mit lederhosn und bloskapelln
aafbaassn, glei griagst a schelln

der vo doppel d
der in bayerischer mundart macht
hast du da nicht angst, dass jemand lacht
du redest ja wirklich so hätt ich nicht gedacht
ja scho i glaubad glei i dad bloß a so

der vo doppel d
ah i kenn di vo youtube
so video mit am gloana liabn bub
i schatz du moanst an watschnbaam
über den mia grod ratschn dan

der vo doppel d
krass voll berühmt und so
mia hean ständig dei liad o
bist du no solo
i sog, dass i goa ned berühmt sei kann
du kennst doch ned amoi mein nam

der vo doppel d is ned mei nam
is ned mei nam
des is ned mei nam
monaco f is mei nam, des is mei nam

du bist doch der vo doppel d
ah ja, der vom land
woast wos dir i sog
i hob mehr funk ois dei ganze stod miteinand

der vo doppel d is ned mei nam
is ned mei nam
des is ned mei nam
monaco f is mei nam, des is mei nam
der vo doppel d is ned mei nam
is ned mei nam
des is ned mei nam
monaco f is mei nam, des is mei nam

äh tschuldigung, nur so a frage:
wer isn doppel d überhaupt?
Track Name: s'is etz feat. Grämsn & DJ Spliff
die d's san do und du bist's ned
also Burli spar dir doch des ganze gred
schaust bloß bled wos do gäd
dawei hamma mia di überdübergmaaht

fohr auf d'autobahn draaf blend am Vettel aaf
s'is etz
kimm aaf dein Gig, weil's song du bist da shit
s'is etz
se woitn's ned hean ois miass ma erklärn
s'is etz
oba dei wei gäd steil rap im slang so geil
s'is etz

wia sich die zeiten ändern
wia denn bua
leid song zu mir oida du bist ned klischee gnua
heid muast dir an gamsbart aaf's hirn tätowiern
ganz kurz gfrogt chef sois mi interessiern
wenn's is brenn ma's zamm wia da bauer an stoi
lee scratch perry shit baamhackevoi
und wos nur feedback zu spaist mit'm zippo
am besten schuibua zuzelt weida dei calippo
während mir a sunnwendfeier aafrichten bis zum himme
wenn mir meng gäds bei uns a bis um hoibe simme
wenn mir meng reng mia uns aaf bis mir uns nimma kenna
du kannst de ganze sach gern heimatsound nenna
mir brauchan koa wossa los den noagalzuzler brenna
und mir feiern des feier weil mir san fralle so frei
zum song wer's aufbaut reißt's fallas a ei
für germanisten z'vai slang in de silben drinnad
für germanisten z'weng slang in de silben drinnad
mir wird des do z'spinnad oba es is ma a wurscht
echte andersbayern zipfen wer hod no durscht
hoit ma des zippo ans sunnwendfeier dro
fang ma nomoi vo vorn o

sog am dj bscheid draah na aaf den scheiss
s'is etz
blutgrätsche in's gnia aafgmiagt iatz kemma mia
s'is etz
wos bierallergie maß her sax'n di
s'is etz
vrooomm autobahn draaf
s'is etz

mir brauchan koa wossa los den noagalzuzler brenna

zefix he glaubst as ha
a jeder woas wos und glaubts dann a
oba du bist so gscheid vozaist am metzger wos von beef
am braumoasta wos vom bier des er saiba braut hod
kann am thron sitzn wer mog i bin da kini
kann vorn steh wer mog aaf d'seitn iatz kimm i
studierts erst bavaristik fachrichtung d
und dann seng ma ja wer an huat aaf hod
i schatz fast mir hans weil de reste gach schiach san
dann a so wia wenns stier warn dawei sans olle ochs
also affe aafn grill los de rindviecher brenna
bis er vobrennt am end da trend a wenn ma uns vielleicht
vokennt mia san des movement
vorgedenkt, nie vorrenkt und dageng ogrennt bis zum end
gschenkt

fohr auf d'autobahn draaf blend am Vettel aaf
s'is etz
kimm aaf dein Gig, weil's song du bist da shit
s'is etz
se woitn's ned hean ois miass ma erklärn
s'is etz
oba dei wei gäd steil rap im slang so geil

wos, i seg di ned
schiddld moi dei t-shirt bis dei voda moant ja bist du bled
wos i hea di ned
schrei amoi so laut dass sogoa no dei oma dorrad werd
wos i vosteh di ned
mia ham an drum rausch oba wenn d'mama schreit dann steng ma gred
wos i hea di ned
schrei amoi so laut dass sogoa no dei oma dorrad werd
Track Name: Power to the Bauer
fünf häuser in am weiler
gäh hau den scheißdreck weiter
do is da deife ned los oba da hund begrom
abhaun des war vui gscheider
immer nur de gleichen gfriesa
immer nur de gleichen bauerndissna
es wird immer gschissna
iatz glangts da kaas is bissna
seit zehn johr des gleich gschbusi
rap war immer nur a negamusi
i geh iatz noch berlin
weil mei kaff is ned in
i bin doch vui schlauer
und do san eh nur bauern
do san doch nur alle nasch
i geh iatz fuat do is ma z'lasch

des is mir
des is mir ois zu lasch

do moch ma pardy
do is endlich wos los

a wirtshaus in da pampa
dreihundert leid de stampfan
a fette anlag de pumpt durchs kaff
der sound so laut, dass jeder gafft
de greana schaun vorbei
sammeln de blaua ei
und moanan bitte leiser
oba wenn de weg san dann gäds weida
iatz wirds erst so richtig dreckad
unser ganze waid is nur no gscheckad
is ja klar do san nur wolpertinger
lauter vögel, des kannst singa
du bist so vui schlauer
i sog power to the bauer
wo i herkimm do san d'leid nasch
wo du higähst do is ma z'lasch

des is mir
des is mir ois zu lasch

do moch ma pardy
do is endlich wos los
Track Name: Party People (Remix) feat. dicht&ergreifend, Roger Rekless, Grämsn, BBou, Weeh78
Monaco F:
ihr zipfen
moch ma party, wos mextn mocha
i flanier durch die gengad, wos andre von mir dengand
es is mir sowos vo wurscht ob sies mengand
schau mi o, so schaug i aus
wia schaug i aus, so schaug i aus
turnschua und a trachtenjanka so schaug i aus
punker tanzn zu meim landler, du fliegst naus
host as immer no ned festgstellt, festgstellt, festgstellt
da kini is im festzelt, festzelt, die krüge hoch
aaf mein kopf dad scho a krone ohnebassn
meine fans monegassn
wo san meine ganzn monegassn do draußd

Lef Dutti (dicht&ergreifend):
party people gfreids eich, dass i als erster gast kimm
i soach in d'steckdosn um zum checken ob i wach bin
fast blind, weil i aus da dachrinn schnapps dring
oba trotzdem gega jeden kaffking im schach gwing
schwachsinn, mit mir do brauchst ned weggeh bua
i leg mir koane secke zua, bin barfuß in de steckeschua,
aber ned zum schockiern, sondern weil i so bequem bin
mei schwanz is zwar ned lang, oba dafür extrem dünn

Roger Rekless:
ich komm mit meinem Hund Biggie in den Club rein
schrei Thug Life auf Niggaz in Paris alle schaun verdutzt rein
Bruce Banner des Rap vor dem Shot
und nach paar Wodka Bull bin ich wie ne Oma mit ner Glock, gefährlich
so war er früher der Rekless
heut hab ich Whisky im Flachmann der älter als dein Dad is
deine frau will mein Nutzernamen für Tittenpics auf snapchat
ne das lass mal und lass mal gehen so wie Chefket, echt jetzt

Grämsn:
Oida laber ned auf weil de Party is wack
Für eich is saffa und plärrn nur scheiss mittel zum zweck
Weil eia leben so scheiss fad is, dass ma dro fast vorreckt
Gibt’s Betonmassa aaf ex für de spezial effects
Dann blinkts so Leid heid is echt fett
Spinnst du oida links und rechts, jeder zwoate a Depp
De gwiss nix vobind ausser koan plan von rap
Oba mia leben des ned bloss fürn dialekt
Und fick auf 8, weil da fränzn is fam
I bsuffa am flippn, er nur kenn di moi gräm
Ok, i kenn mi, oba mia uns no nia
I dring zwar koan schnapps also bring uns glei vier
Für de drei D’s und an woife am mix
Du kannst scho ficken mit uns, nur zum hoin gibt’s da nix
Weil mir hits kicken, de milfs und teens feiern
Weil mir warn und san de kings von scheiss b-aya-n

George Urquell (dicht&ergreifend):
Wer wird do mucka, dei muada is dei booker
Redst von mille mille und bist am Güllefassl schlucka
Wenn da da Kine aus da Kabine winkt muast die bucka
Sei Zepter steckt er in Vaseline do bleibt koa Oschloch drucka
Check die F-olution
Gib eam a Mic und scho killed er dein Hype
Monaco F Strizzi wia isn er drauf
Verstopft dir mit am Ditti dein Gewehrlauf

BBou:
Der Beat den du heast mocht dei Gnack kaputt
Des Sackl zuckt im Takt vor lauter Druck
Reale Party people fohn vom feiern mitm Sanka zruck
Warum wird se zum saufen geh überhaupts aussebutzt
Am End schauns eh alle aus wia vom Blitz droffa
Und woin ihr Speedglied in an Schlitz stopfa
Do wird da reinlichste Bou zu am Fischotter
Bei 4 Promille nimmt mas mit da Liebe locker, vögelts ei

Weeh78:
Moch ma party oida, logo mach ma Party oida,
huift nix, iatzad baas auf
logo mach ma party oida, wo steigtsn heid
beim Babba im Hobbykeller oder im Vereinsheim
im Bauwong, im Saustoi, im Feldstadl draust
i moch a Abriss am Aldi-Parkplatz macht mir nix aus
hauptsach goasmaß und hasn
dancefloor killer for realer musiblosn
i gib gas eh, voigas, freile oida, weil sonst nix los is
iatz geh hea do oide mit da doppelten dosis
he DJ spui auf, spui nomoi ein prosit
Track Name: so oder so
ja ja freile
aafgweckt soist sei und di schee spuin
oba schrein und zerdeppern soist ned so vui
di benemma, brav aafessn
oba a an am lausbuam hams an noan gfressn
durchsetzn soist di oba zuahaun is bled
entschuldigen soist di, na soist du ned
hoat üben soist und no härter trainiern
über d'wies soist laffa ned aaf monitore stiern
an anschluss ned voliern feiern soist scho
raucha soist nimma oba saffa deafst no
leana soist und späda a wos gscheids
wos a gaid bringt oder bloß wos di gfreid
weibern soist, so vui wia grod gäd
oba manan soist ned, do gibt's bloß a gred
lieben soist und leidn soist
woana deafst vor glück oba ned vor schmerz
a wenns no so brennt im herz

da oane sogt du soist a so doa
da ander sogt na duast a so
da dritte moant wia de zwoa deafst aaf koan fall doa
da vierte moant no wos anders sowieso
wia soistn do no wissn wos du doa soist
do kennst di glei goa nimma aus
oiso, wenn mir d'leid song woin wos i doa soi
sitz i mi hi und sog gäds ma aus da sunn, jojo

ned a so, a ned a so, so oder a so

kühl soist sei ohne gefühl
zvui emotion bremst nur dei kalkül
da klügere gibt noch, gfoin lossn soist da nix
ehrlich soist sei temperament hom zefix
eigliedern soist di ins team oder in d'reih
wos bsonders individuell soist sei
d'faust soist in d'luft strecka, di ned vostecka
aaf da andern seitn los di doch am osch lecka
respekt und dankbarkeit soist zoang
oba nur no a drittel gaid für dei oabat bringst hoam
trotzdem soist an baam pflanzn a haus baun
an sohn soist zeugen an gott soist glaum
an di saiba soist glaum oder ans gaid
zumindest dro denga verantwortung übernemma
emanzipiert mit karriere ummakemma
und nebenher locker dei familie stemma
a kreuzfahrt soist mocha nimma autofohn
an abend genießen dei eigens loch grom
dei kohle soist hergem mit deine enkel locha
und am end soist a greizal mocha

ned a so, a ned a so, so

da oane sogt du soist a so doa
da ander sogt na duast a so
da dritte moant wia de zwoa deafst aaf koan fall doa
da vierte moant no wos anders sowieso
wia soistn do no wissn wos du doa soist
do kennst di glei goa nimma aus
oiso, wenn mir d'leid song woin wos i doa soi
sitz i mi hi und sog gäds ma aus da sunn, jojo
Track Name: Feieromd
es dad eam so leid, des sogt dei chef
du miassast iatz a bisse mehra doa, sogt dei chef
für wenga gaid, des budget muast vosteh, des sogt dei chef
oba du muast a zuagem, du bist eh vui z'langsam, sogt dei chef

woanders hättst as ned so schee, des sogt dei chef
er kannt a locker zwoa für des gaid hom, sogt dei chef
he sei moi froh dass'd überhaupt a oabat host, sogt dei chef
dei chef sogt er moants nur guad, oba wurscht wos der vozapft,
weil boid is

feieromd, feieromd
schau moi aaf d'Uhr es is
feieromd
feieromd, feieromd
4,3,2,1 feieromd
feieromd, feieromd
kimm mir feiert ma heid omd

weil er scho dabei is, sogt dei chef
du integrierst a nimma so ins team, des sogt dei chef
zum Beispiel gähst du pünktlich um sechse hoam, sogt dei chef
wos isn des, mir miass doch zammhoitn, sogt dei chef

er hod immer gmoant mia lebn für den job, des sogt dei chef
mia ham doch a gemeinsames ziel do, sogt dei chef
und do dafür miassast ma hoid opfer bringa, sogt dei chef
dei chef sogt er moants nur guad, oba wurscht wos der vozapft,
weil boid is

feieromd, feieromd
schau moi aaf d'Uhr es is
feieromd
feieromd, feieromd
4,3,2,1 feieromd
feieromd, feieromd
kimm mir feiert ma heid omd

5000 Grod hoaß, brenn
5000 Grod brenn, brenn
5000 Grod hoaß, brenn
brenn, brenn
vale oida sog eana wos dann gäd

tatü, tata
chef bass bloß aaf weil boid is

feieromd, feieromd
schau moi aaf d'Uhr es is
feieromd
feieromd, feieromd
4,3,2,1 feieromd
feieromd, feieromd
kimm mir feiert ma heid omd
Track Name: ganz Bayern flippt aus
oh oh oh ou da F gibt koa Rouh
oh oh oh ou bis alle hupfan houh

i kimm oräudig eina führ mi bauerntheatermäßig aaf peter steiner
bumsen
des sorgt für klare verhältnisse bei hochkulturzipfen
liebesgrüße lederhosn lochkulturzipfen
i biselt billigen sekt in dein champagner und zitier goethe
leck mich im arsch
do lochan dei beatrix und alessandra weil dene is öde
dene is z'lasch
mia sprüh ma madigs graffiti aaf d'bavaria mit spezimaß in da hend
und es steht wu-tang clan draaf am end foischgschrimm
trotzdem applaus ganz bayern flippt aus
iatz kapierst a d'waid wird komplizierter
neba mir a trachtler mit am joint und inhaliert na
griag des moi in dein kopf eine nix is mehr so wie es scheint
da drake sitzt vor seim ganzen gaid und weint
mia laaf ma ei aaf'n wiener opernball und spritz ma rotwein aaf de debütantinnen wos mextn mocha
de mama von da alessandra sogt contenance i schmeiß konfetti letzte chance nomoi zum locha

mir fam de bayernfahne neonrot und tauschn löwe gega wolpertinger
ganz bayern flippt aus
lederwix und t-shirt turnschuah und trachtenjanka und a mittelfinger
ganz bayern flippt aus
mit diafaglegtn bulldog in minga drin sampelbeats aus de boxen aussa
ganz bayern flippt aus
mia sprühn graffiti aaf d'bavaria mit spezimaß in da hend ja do schaust ha

oh oh oh ou da F gibt koa rouh
oh oh oh ou bis alle hupfan hough
oh oh oh ou dann bin i frou
oh oh oh ou ob dorf oder stod

du kimmst am krückstock daher
und woast nimma mehr
wer bin i wer
Track Name: Lass da Zeit
geh los ma doch mei ruah hob da's doch
scho a bo moi gsogt oba du duasd in oana tour ins gleich loch
und moanst dir dads
dermaßen bressiern du miassast so vui miassast so vui
du i hoit di ned aaf jaja du mi a
schick di schick di schnai schnaia mehra mehra
du bist lang no ned laar
mit gwoit griagst am end aus da zahncreme a no zwoa moi putzn aussa
du vosammst wos sogst und dann drammst und hockst
in deim hamsterrad und sogst du fandst as schod
dass'd ned vom fleck kimmst oba wia ein bleder rennst
woast wos du spinnst
kimm iatz hau di moi nei
es muas ned immer oisend glei sei

oida, los da moi bisse zeit
oder miass ma uns mia iatz ebba do darenna
oida, des is ned des wos mia gfoid
in superzeitlupe kannst ois vui bessa erkenna
oida los da moi bisse zeit
i hätt gsogt mia moch ma uns erst moi a hoibe bier aaf
oida, du bist doch a ausm woid
und desweng steig i iatz erst amoi aaf d'brems draaf

über d'fiaß do foit ma schnai
über s'hirn ausse gäds schnai
gstraat hods oan schnai

oida, los da moi bisse zeit
oder miass ma uns mia iatz ebba do darenna
oida, des is ned des wos mia gfoid
in superzeitlupe kannst ois vui bessa erkenna
oida los da moi bisse zeit
i hätt gsogt mia moch ma uns erst moi a hoibe bier aaf
oida, du bist doch a ausm woid
und desweng druck i iatz erst amoi aaf stop